Impamvu 5 Abagore Bakunda Kureba Filme zo Guhuza Ibitsina

Abantu benshi batekereza ko ari igitsinagabo kikundira kureba film z’urukozasoni , ariko burya n’igitsinagore nacyo gikunda kuzihera ijisho.

1. Amatsiko : Abantu bose baba bazivugaho, mu gihe atarigera azibona na rimwe yumva ashaka kuzareba uko biba byifashe…

2. Kwishimisha : Mu ntangiro byavugwaga ko films z’urukozasoni zakorewe abagabo kugirango zijye zibafasha kwikinisha, gusa noneho aho ibintu bigeze n’igitsinagore gisigaye kibyiyemerera kumugaragaro kuba gikunda kwikinisha, muri icyo gihe barazifashisha nabo.

3. Kwigereranya n’abandi bagore cyangwa abakobwa : Ibi ntago ari agashya : Igitsinagore gifite ahanini akantu ko kwigereranya na bagenzi babo. Iyo bareba films z’urukozasoni, baba bitegerezanya ubwitonzi imiterere y’umubiri w’abandi bakobwa n’abagore. Banaboneraho kandi muri icyo gihe kwitegereza icyo abandi babarusha mu bijyanye n’imibonano mpuzabitsina.

4. Kwihera ijisho abasore beza : Ibi ni ko bimeze nta gitangaza kirimo, kuko si kenshi umuntu ashobora kubona abagabo b’inkorokoro bakoresha imbaraga zidasanzwe z’umubiri wabo mu rwego rwo gushimisha bagenzi babo b’igitsinagore.

5. Kwihugura : Ahanini baba bakeneye kwihugura ngo bamenye uko barushaho gushimisha abakunzi babo mu bijyanye n’imibonano mpuzabitsina.

Advertisements

Ibintu 10 Biranga Umugore Mwizai mu Muryango

Umugore arakenewe mu kurema umuryango. Ni nyina w’abana ushinzwe kubarera no kubaremamo imico myiza n’icyungo gihuza umugabo n’abaturanyi. Ni we rwego ubutunzi bunyuriraho ngo bugere ku bintu bifitiye akamaro umuryango n’abandi.

Dore bimwe mu biranga umugore mwiza :

1. Yubaha Imana n’umugabo we ;

2. Agira umwete ku mirimo myiza ;

3. Azi kugabura ku gihe, azi no gushaka ibikenewe ;

4. Akunda gufasha abo arusha ubushobozi ;

5. Amenya kubana neza n’abaturanyi ;

6. Yita ku bashyitsi akabagirira neza ;

7. Azi kwifata mu magambo ;

8. Yihanganira ubukene n’igihombo ;

9. Ubukire ntibumutera isumbwe no kwishyira hejuru ;

10. Aharanira ibyakubahisha umugabo we.

Abagore nk’abo ni bo bubaka ingo nziza kandi zikomeye.

“Umugore w’umutima wese yubaka urugo.”

Igihe turimo gishaka abagore bubaka abagabo batabitewe n’ubwoba cyangwa kwihakirizwa batinya guharikwa, ahubwo bumvira babikomoye ku rukundo ari byo bibyara kuganduka… Si abagore bo kurya no kubyara gusa, ahubwo :

– Bazi Kubyara no kurera ;

– Bazi ibyo kurya bigenewe inzego zose ;

– Bazi kwigisha abana ibyiza no kubibatoza ;

– Bazi kubatetesha no kubahana bafite urugwiro ;

– Bazi kubashima bitari ukubashimagiza igihe bageze ku byiza.

Umugabane munini w’ibyiza by’abana bikomoka kuri ba nyina, kuko ari bo batwita, bakonsa bakabana na bo no gushyikirana, ni cyo gituma ibyo babikomoraho ari byo birema ingeso zabo. Biroroshye ko umwana yigana ibyo nyina akunda.

Burya umugore ni we rufunguzo rw’umubano, mu bavandimwe n’abaturanyi. N’ubwo umugabo yagira ubuntu n’urugwiro, n’ubwo yamwenyurira abandi no kugerageza kwakira, ntacyo byamarira abashyitsi, abaturanyi n’abagenzi, kuko inyifato y’umugore ari yo itanga ikaze. Imyifatire mibi y’abagore ni yo yirukana ababagenderera, ni cyo gituma inzira zijya mu ngo nyinshi zabaye amatongo.

Urugo rwose rukeneye umugore muzima, kuko umuntu muzima aba afite impagarike yemera kandi ishoboye kwihanganira imiruho, intekerezo zishoboye kwihanganira ibibazo igihe byahindutse ibigeragezo. Cyangwa bikeneye gahunda no gutunganya. Ikindi kiranga ko umuntu ari muzima n’ubwenge buzi inzira zose zo kubana neza n’abandi, kuko kubana neza bisaba ubwitange, kwemera igihombo, kwihangana, no gushakira abandi ibyiza. Nguwo umushinga umugore mwiza yerekezaho imbaraga ze nyinshi.

– Ntabikorere kwiyamamaza ;

– Ntibimutera gusesagura ibye ;

– Ntarobanura ku butoni abamusanga ;

– Umutima mwiza umubuza gukorera ijisho.

Kubana neza n’abandi bifite ingingo eshatu zikomeye ziranga igitsina gore bafite ubwenge : UMWETE, URUGWIRO, KUBANA NEZA N’ABANDI.

Nuko rero abagore b’imico myiza batuma abagabo babo bagira umutekano mu mutima. Ingeso zabo nziza ni zo ziruhura abagabo babo imitwaro n’imiruho.

Uburyo Wkwitwaramo Igihe Ugize Umujinya Ndengakamere

Umuntu buri gihe aba yifuza ko yabaho agahora anezerewe, ariko hari igihe uvangirwa bitewe n’ibintu bitandukanye. Abantu, ibintu cyangwa ibitekerezo byawe bishobora kukurakaza ndetse rimwe na rimwe bigakabya.

Iyo umuntu yarakaye rero, akenshi akora amakosa kuko akenshi ibyo akora byose, ntabwo abikorana kamere ye isanzwe cyangwa ubumuntu yari asanganywe. Iki gihe rero ni cya gihe usanga umuntu yakoze, bimwe mu bintu bishobora no ku mugiraho ingaruka mu buzima bwe bwose, bikica ahazaza he ku buryo bugaragara.

Bimwe mu bintu uzasangana umuntu warakaye cyane, ni uguhubuka haba mu bitekerezo cyangwa mu bikorwa ari gukora ako kanya, ibyo rero akenshi bishobora no kumushyira mu ngorane agakora n’amahano.

Hari abantu benshi rero, bihutira kujya mu biyobyabwenge rimwe na rimwe cyangwa mu nzoga bibwira ko ari byo bigiye kugira icyo byafasha, aha rero hashobora kuvamo imisaruro ibiri :

1. Kubera ko ubwonko bw’umuntu rimwe na rimwe tubuyobora, urugero : iyo ujyiye kwa muganga, kubera ko wamuhaye icyo kizere akenshi icyo yaguha cyose, nyuma y’akanya gato uba wumva usa nuworohewe, ni kimwe ni yo wiringiye ibiyobyabwenge, hari igihe hashira akanya ukaba wumva utuje.

2. Hari igihe rero noneho ibintu birushaho kudogera, ushobora gusinda, cyangwa ukarakara kurushaho, ibyo wari gukora bibi ukabikuba kabiri, icyo gihe noneho ntunaba ugikoresha n’umutimanama wari usanganywe.

Dore rero bimwe mu bintu wakora igihe warakaye :

– Ushobora kwiryamira cyane cyane ku bantu batagira inzika.
– Ushobora kwegera inshuti yawe mu kaganira, ikakugira inama.
– Ushobora guhita wirengagiza, ugahita ujya gukora bimwe mu bintu ukunda kurusha ibindi (kureba film, umuziki, gushushanya), byarushaho kuba byiza noneho uwo mujinya ugerageje kuwumarira muri tumwe mu turimo wari waragize ubunebwe bwo gukora.
– Gerageza uve imbere y’ikintu cyangwa umuntu wawuguteye igihe gito.
– Gerageza guseka igihe cyose ubonye ikigusetsa, ubundi wibaze uti NDARAKAZWA NI IKI ?
– Irinde gutekereza ikintu kibi wakora, ibi bituma uhita urakara kurushaho, urugero uzumve iyo uri kumva indirimbo ibabaje ; uhita nawe ubabara akenshi, cyangwa utekereje ko ushobora gukubita umuntu waguhemukiye, akenshi ubivuga wamaze gukambya agahanga.

Hari ibintu byinshi rero ushobora gukora kugira ngo ubyaze umujinya wawe umusaruro mwiza, aho kwita mu mazi abira, niba urakaye ihutire kuva aho warakariye, ubundi ugerageze gukora bimwe mu bintu ukunda, kuko akenshi ushobora nawe kutubwira bimwe mu bintu ukora bigufasha gushira umujinya.

Ibintu 10 Biranga Umugore Mubi mu Muryango

Twifashishije igitabo Vivez Et Communiquez ndetse n’urubuga rwa internet rw’ubugorozi turaba turagagezaho ibintu biranga umugore mubi. Nk’uko umugore mwiza atabiterwa n’ubwiza bw’inyuma ni nako n’ububi bw’umugore budaterwa n’imiterere y’inyuma, ahubwo ububi bushingiye ku ngeso mbi zituma aremerera uwo bashakanye, abo babyaye, abaturanyi ndetse n’abahagenda.

– Ingaruka ni uko ahanini abana bamwigana ibyo abatoza n’ibyo bamwigiraho, bakabyanduza abo babana bikaba uruhererekane mu miryango bazubaka.

– Imico mibi y’umugore yica ibyifuzo n’imigambi myiza by’umugabo. Umugabo ntiyongere kumwishimira, bikamutesha icyerekezo cyiza yari afitiye umuryango.

– Ibyo umugore mubi yakoreye abaturanyi bituma bagambirira kubimwitura akaba ibuye risitaza ku bamukomokaho kimwe n’abavandimwe.

1. Umugore mubi yanga gusangira ingorane n’umugabo we, ntibahuza ibitekerezo, ntabwiza umugabo we ukuri.

2. Umugore mubi abaho imibereho itagira intego n’imigambi, yikubira inyungu. Ntamenya ibyo umugabo we akunda, n’iyo abimenye arabimwima. N’iyo abikoze, abikora atishimye. Ikindi, umugore mubi ntiyemera ko amahame meza ari yo ayobora urugo rwe.

3. Iyo agahararo gashize cyangwa habonetse igihombo, umugore mubi atangira gukoresha agahimano n’incyuro, ndetse no kwikeka.

– akiyima uwo bashakanye mu mibonano mpuzabitsina basabwa kugirana.

– yima inama umugabo we, abifatanyije no kumunenga.

– amwima ubufasha bw’inyunganizi bwa ngombwa, byinshi akabyirengagiza akoresheje inzitwazo.

4. Na none kandi, umugore mubi ntatinya guhemukira uwo bashakanye, abikoresheje gukunda abandi bagabo, akima umugabo we urukundo rutagabanije yari afiteho uburenganzira. Kuri iyi ngingo, umugore nk’uwo aba akomerekeje umutima w’umugabo we, amutesheje agaciro mu bandi, amaherezo benshi bakabigwamo.

5. Undi mugore ugoranye ni igishegabo (umugore wigize nk’umugabo). Ahora ahanganye n’umugabo we. Bene uwo ahora mu ifuti rimwe, yemera icyo ashatse gusa, yica uwo ashaka agakiza uwo ashaka, ntiyemera gukosorwa kandi ntava ku cy’ejo. Ibyo bigabanya urukundo umugabo we yamukundaga, kugeza ubwo yifuza abandi bagore cyangwa akabura ubushake bwo kumunezeza. Ni cyo gituma uwo umutima wanze umubiri utamukunda. Ni byo byirukana umunezero bigahagarika udukino two kunezezanya.

Uyu mugore ahorana urutoto, kwitotomba. Amategeko atagira ishingiro ni cyo gitaramo amenyereza ab’umuryango we. Iyo byamaze kumutegeka, ntatinya kubigaragariza mu nzira no mu ruhame.

6. Umugore mubi anyereza umutungo akoresheje gusesagura mu iraha n’ibinezeza binyuranye, no kuwiba awuhisha ahandi (awujyana iwabo), gukoresha ibirenze ubushobozi (ibirenze ibyinjira mu rugo). Ubunebwe n’ubutandame bituma yicisha inzara abana, umugabo n’abashyitsi, maze bikica umugabo n’umuryango. Bikanyaga umugabo ibye no kumutesha inshuti.

7. Umugore mubi ntamenya kurera neza abo yabyaye, abatoza gusuzugura se n’abandi bantu bakuru. Atera umwiryane mu muryango no mu baturanyi, agatsemba ikinyabupfura n’umutekano iwe mu rugo. Byinshi mu bibazo biremereye isi yacu muri iki gihe, byatewe n’abagore b’ibinani, bananiwe gusohoza inshingano zabo Imana yabahaye, nk’iy’uburezi.

8. Umugore w’umusinzi azana ingorane zitesha abana ubwenge, gahunda n’ubuzima. Ntiyubahiriza gahunda y’umugabo we, abana be bariyobora bakaba imfubyi akiriho. Akabera ikirumbo uwamushatse, agahinduka inshuti y’ibigoryi bikamugusha mu mitego no mu bubata, umugabo we akamubura amureba.

9. Ikindi ni uko umugore mubi atamenya ibyo asabwa n’ibyo abuzwa. Intwaro akoresha ni ukwivumbura no kwijujuta, agakenera ibiruta ibyo atunze, ahora yibutswa ibimureba, ahora ahembera amahane.

10. Umugore mubi yemera inama zose atabanje kuzigenzura. Urwe rushobora gusenywa n’iyo avuka, aramutse agendeye ku ngengabitekerezo y’umuryango w’iwabo akomokamo cyangwa inshuti ze. Aho ngaho, umugabo aba asenyewe n’uwamushyingiye (kwa sebukwe). Ibyo avuga n’ibyo akora bihora binyura mu mwenge w’ubugoryi bw’umugore we, maze bigataha kwa sebukwe. Bene uwo mugore, nyirabukwe na sebukwe abahindura nka bakeba be, agahora ahirimbanira guhangana na bo ngo agaragaze ko bamubangamiye ! Umubano mwiza w’abashakanye ushobora kwangizwa n’umugore wanga inama nziza z’umugabo, akagendera ku z’iwabo n’iz’inshuti mbi afite.

“Umugore umaze kuva mu mwanya Imana yamugeneye mu irema, imbaraga zose yakoresha kugira ngo yishyire mu mwanya w’ingenzi Imana itamuhaye, aba yivanye n’aho yari asanzwe hagasigara ubusa.”

Umuntu 1/5 Aba Atekereza Undi Utari Umukunzi We Mu Mibonano Mpuzabitsina

Ubushakashatsi bwakozwe na OnePoll.com mu Bwongereza, bwagaragaje ko umuntu umwe kuri 5 aba yikundira undi utari umugabo we cyangwa umugore we. Ibi ngo binatuma inshuro nyinshi atekereza uwo muntu iyo ageze mu bihe by’urukundo.

Bimwe mu bituma ibi bibaho kandi ikaba n’imwe mu nzira zibitera, harimo itumanaho rya interneti aho usanga bandikirana cyangwa bakohererezanya amafoto yerekeza ku rukundo.

Ingaruka z’ibi rero ngo ni uko usanga ahari urukundo hagenda hazamo agatotsi gahoro gahoro bikaba byagera no gutandukana burundu.

Ku Myaka 31 umugore Aba Igihe Cyuzuye cy’Ubwiza n’Uburyohe

Ubushakashatsi bwakozwe ku bagore ku bijyanye n’ubwiza, kwiyumva, kwigirira ikizere, igikundiro no kwambara neza, bwerekanye ko ku myaka 31, umugore aba yujuje ibya ngombwa byo kwishimira ubuzima, ibi bigatuma abasha kubumetiriza (Maitriser), agwa neza uwo babusangira.

Ngo nubwo iki gihe gitangira ku myaka 30, ariko ngo ku myaka 31 ni bwo aba amaze kujya ku murongo neza kuko aba azi neza defo (défauts) ze na kalite (qualités), no kubasha kubana na byo mu buzima.

Aba azi kumariramo ingeso mu kwerekana ibyiza afite anazi guhisha ibibi yiyiziho ari nako abasha kwihanganira ibitari byiza kuri we. Iki gihe rero ngo aba ri fière cyane yuko ari kandi agerageza guha agaciro ubwiza bwe no gucisha make ububi bwe ari nako akuza ububasha bwo kwigaragaza no gushaka gushimisha mugenzi we (Umugabo we).

Muri make, dore uko ubushakashatsi bwabyerekanye :

55 % bo mu myaka ya za 30 batangaje ko bazi neza uburyo bwo kwimakiya (maquillage) ku buryo baberwa bijyanye n’uko bateye kandi bakaryohera ababareba.

74 % bakora ibishoboka byose kugira ngo berekane ko ari beza cyangwa kugira ngo berekane ubwiza bafite.

Naho 51 % batangaje ko baryohewe n’imyaka yabo.

Muri make, ngo icya mbere mu kwerekana ubwiza ni ukubyishyiramo.

Ibanga ry’Urukundo-Urukundo Rwubakwa Buri Munsi

Mbese imodoka yawe nimara gufata umuhanda, uzarekera aho kuyiyobora no gukandagira ku birenge ngo ni uko noneho iri kugenda ?

Umwanditsi Michel Quoist, mugitabo cye yise ’Réussir’, agira ati :”Imyaka urugo rwawe rwaba rumaze yose, ntiwigeze urangiza ibyarwo, kandi ntuzigera ubigeraho. Ugomba kurwubaka iminsi“.

Uzahura n’abashakanye benshi bafatanye ikiganza mu kindi, kuko ari ibyoroshye guhuza imibiri.

Uzahura n’abandi benshi badahuje neza imitima, kuko biruhanije cyane gukundana mu buryo bwimbitse.
image

Uzahura na bake bahuje ibibarimo imbere, kuko ari bake bafite imitima yabo yashyingiranwe. Kugira imitima yanyu yashyingiranwe, … ni ugushyira hamwe ibitekerezo byanyu byose, inyifato zanyu, ibyo mwibwira, ibyo mushidikanyaho, ibyo mwicuzaho, imigambi yanyu, inzozi zanyu, umunezero wanyu, intege nke zanyu, … uw’imbere wanyu wese n’amajyambere ye.

Mbese uyu munsi mwaba murushijeho kuba “UMWE”, kandi ejo hazaza mukazarushaho kumera mutyo ?

Ururabyo rwemera guhindukamo itunda. Itunda ryemera guhindukamo imbuto z’umurama. Imbuto zemera guhindukamo igiti gifite ubuzima.

Niba ushaka gukunda, ugomba kwemera guhindurwa, kuko ku bw’urukundo, muzafungukirana buri wese ku wundi kugira ngo habeho uburyo bushyashya bwo kubona ibintu, ubwo kwiyumva, ubwo gukora, ubwo gusobanukirwa, ubwo gusenga ; uburyo bwo kuzuzanya bubakungahaza ;

Nuramuka ushyingiwe umubiri gusa, bidatinze uzawuvumbura uwumenye maze urarikire undi mubiri.

image

Nuramuka ushyingiwe umutima wonyine, uzawunaniza vuba maze usigare ureshywa n’undi. Ariko nushyingirwa “umuntu” urukundo rwawe ruzaba urw’iteka ryose.

Ku batanejejwe n’ingo bashinze,Michel Quoist ati : “Mbese uzajugunya umwana wawe ngo ni uko yavutse adafite ingeso n’imyifatire wamwifuzagaho ? Mbese uzanga kubaka urugo rwawe ngo ni uko umugabo wawe atari wa wundi wajyaga urota kuzarongorwa na we, cyangwa ngo ni uko umugore wawe atari wa wundi wiringiraga kuzabona ?

Niba warashyingiranwe n’inzozi zawe (wa wundi wajyaga urota cyangwa wibwira ko ari we muzabana), wagenje nk’insoresore. Ubyibareho wowe ubwawe kandi ntugashinje uwo mwashakanye ko atari wa wundi wibwiraga.

Niba bitakunejeje maze nawe ntubicikeho, byanze bikunze uzabigaragaza, kandi nubigaragaza, uzarushaho kwigiza mugenzi wawe kure yawe, kuko kugira ngo we akwegere, akeneye ko umwiringira. Ibyo wicuza ni inzitizi zibatandukanya, mu gihe byari ngombwa guhuza.

image

Nturakerererwa noneho gushyinganwa na wa wundi musangiye imibereho. Icya ngombwa gusa ni uko wabyiyemeza. Erega ntushobora kubaka urugo rwa batatu.

Ntugacire mugenzi wawe urubanza, ahubwo urwicire wowe ubwawe. Niba mu by’ukuri atagukunda, wowe mukunde kurushaho kandi ari nta cyo umutezeho. … Kuko mu gukunda mugenzi wawe ari bwo uzamufasha kugukunda.

Ibihe byose uhora wibwira ngo “Erega ntiyanyuze”, ahubwo ujye wibwira uti “Sinamunyuze”. Ukibwira uti “Ni we watangiye !” Noneho … utangire umukunde ufite umutima mushyashya rwose.

Niba wavugaga ko afite ibibi byose bibaho, uzasigara uvuga ko afite ibyiza byose bibaho ,Ngo « Ifuti si iryanjye, yarahindutse ! » Mbese aho si wowe wahindutse ? … kandi niba yarahindutse, kuki byagutangaza ? Ni umuntu washyingiranwe na we si igishushanyo kibajwe. Gukunda si iby’akanya gato, ahubwo ni ibya buri gihe.

Gukunda umugabo wawe, gukunda umugore wawe, ni ugukunda buri gihe ikiremwa kidashyitse, umurwayi, umunyantegenke, umunyabyaha … Niba umukunda by’ukuri, uzamukiza, uzamushyigikira, uzamurokora.

Ubwibone bwawe bukomeretsa undi, ukwikunda kwawe kugira ibyo kumuvutsa, irari ry’umubiri wawe rimuhindura imbata kandi rikamutesha agaciro… Ntujya wivovotera ko uriho neza nyamara kandi ubuzima bwawe ubukesha abandi (ababyeyi bawe, abaguteguriye ibyokurya, …) ; ntiwivovotera ko wize cyane nyamara kandi ubumenyi ufite ubukomora ku bakwigishije, ku banditse ibitabo,n’ibindi. None se ni kuki wivovotera imibabaro ?utikururiye

Uburyo bwo Kuganiriza Umukobwa Ujijutse

Abahungu akenshi bakunze gufata abakobwa nk’abantu badakunda kuganira ibintu bikomeje (serious/sérieux). Ibi rero bikaba ari ukwibeshya kuko abakobwa, cyane cyane abasomye cyane-abo bita mu gifaransa intello-baba bashaka umuntu ubabwira ibyubaka ubwonko bwabo.

Byumvikane ko abakobwa bose biga atariko ari intello ; intello kandi si umukobwa wirirwa mu ishuri gusa ahubwo ni umenya no kwishakishiriza, agasoma ibitabo,akajya kuri internet atajyanywe na mail gusa, akanareba films (atari iziri romantique gusa). Ni umukobwa uba ufite amashyushyu yo kumenya ibintu bishya, bityo akaba aba akeneye uwo bungurana ibitekerezo byubaka. Kuki uyu muntu ataba wowe se musore ?

Hagati aho ariko aba ni abakobwa batorohera buri wese kuko ibyo uvuze byose babishyira ku munzani bakanabicisha mu kayunguruzo k’umutwe wabo. Ashobora gusanga ibitekerezo byawe ari zahabu,kimwe n’uko yasanga bifite agaciro nka k’isarabwayi…ni ngombwa rero kwita kubyo umubwira ariko nanone ntukabye cyane .

Hari abahungu bahura n’abakobwa nk’aba bagatangira kwivugisha indimi batazi neza, bakavuga n’ibyo batazi. Aho kwinyuramo rero, gerageza wiyizere ; iyerekane uko uri kuko burya buri muntu aba afite ibyo arusha undi. Muganirize ku bintu wabonye bikagutangaza n’ibyo urota kuzakora mu buzima bwawe. Mubaze ibyo akunda, ku muryango we n’icyo yumva yifuza kuzaba cyo.

Ngo ikindi abakobwa nkaba badakunda ni umuntu ubashimagiza buri gihe. N’ubwo hari abakobwa bakunda abababeshyabeshya, aba intello bo reka da ! Kubwira umuntu nk’uyu ngo “uri mwiza”cyangwa “uzi ubwenge” bishobora gutuma yumva ko umenyeranye n’abatabuzi agacaho.

Hari igihe uganira n’umukobwa intello bigacamo kugera n’aho mutangira gusohokana. Mujyane ahantu atamenyereye kuko kubona ibintu bishya we abifata nko kwiyungura ubwenge.

Ibi ariko si ihame, biterwa na buri muntu ; kora ibyo wumva bikurimo ariko wirinde ibintu bimwe na bimwe byavuzwe haruguru.

Mbesese urugo rw ’amahane, amatiku, n’ubusinzi rushobora kubyirura abana bazima

Nk’uko urubuga http://www.lesocial.fr rubitangaza,umuryango twawugereranya nk’igiti. Umwana rero mu muryango twamugereranya n’urubuto. Imbuto nziza zera ku biti byiza. Abana beza bakavuka mu miryango myiza. Igiti giteye ahantu habi, kitafumbiwe, ngo giterwe imiti, ntikigire amazi ahagije, kigira imbuto mbi cyangwa zaboze cyangwa zidafite akamaro. No ku bana mu muryango ni uko.

Nta kuntu urugo rw’amahane,rw’amatiku, rw’abasinzi rushobora kubyirura abana beza. Ngira ngo twese tuzi uko abana b’ibinyendaro bakunze kwitwara, abana bakuze ari bonyine kuko se na nyina batandukanye bakiri bato n’ibindi. Niba wifuza kugira abana bazaguhesha ishema ubaka umuryango uzaguhesha ishema.

1. Ntugatinye guhana umwana.

Umwana si uguterera iyo. Igiti kigororwa kikiri gito. Aha ababyeyi benshi babyumva nabi, bakumva ko guhana ari ugukubitira kwica.

Hari ababyeyi bahanana umujinya utabaho. Akenshi bumujinya mwinshi uterwa n’umubyeyi kumva ari umunyantege nke k’umugabo we cyangwa umugore we noneho agashaka kumarira umujinya mu mwana. Hari abazirika abana ku nkingi bakabakorera ibya mfura mbi, hari abarazwa hanze cyangwa bakimwa amafunguro iminsi. Guhana si uko. Guhana ni urukundo.

Uhana umwana kuko umukunda. Akanyafu karinganiye, urushyi ku itama biherekejwe no gusobanura impamvu umwana ahanwe birahagije. Guhana umwana ukarenza urugero bituma umwana yibagirwa amakosa ye agasigara yibuka uburyo uwamuhannye ari umugome. Umwana wahanwe birenze urugero arahahamuka kandi ntazabyibagirwe mu buzima bwe.

2.Ntukabeshye umwana.

Ababyeyi benshi babeshya abana. Hari ubwo umubyeyi abwira umwana ati”Dore ngiye kuba nirambarariye ku buriri ni hagira uza anshaka umubwire ko ntahari” hagira ukomanga umwana ati “bambwiye ko badahari.” Ubundi umwana akakubaza aho abana baturuka uti “ni mu mukondo !” Yakora ku gitsina cye uti”sigaho wakigoryi we.”

Ibi byose bituma umwana afata umuco w’ikinyoma hakiri kare maze nawe akiga kukubeshya. Yakubita murumuna we wamubaza ati “Arambeshyera” kandi azi neza ibyo yakoze.

3.Igisha abana gukunda imyuga.

Bucya bwitwa ejo. Uyu munsi ushobora kuba ushoboye gutunga urugo rwawe ariko ntawe umenya aho bwira ageze. Igisha umwana wawe uturimo akiri muto kugira ngo umunsi yageze mu bikomeye udahari azirwaneho. Hari abakobwa b’inkumi baba mu miryango myiza batazi guteka kuko bafite ababoyi. Ni iyihe garanti se bafite ko umugabo wabo azagira umuboyi ?

4.Menya ibyo umwana wawe abamo.

Kurikirana uko yiga. Menya niba akora imyitozo bamuhaye. Musobanurire ibyo atumva niba ubishoboye niba utabishoboye ushake ubishboye. Menya imikino akina n’abo bayikinana. menya abo akunda gukina na bo ni uko yitwara. Bizagufasha kumenya ibigenda n’ibitagenda neza hakiri kare.

5.Umutekano w’abana.

Abana bakunze guhura n’impanuka nyinshi mu rugo bitewe n’uburangare bw’ababyeyi. Shyira kure y’abana imiti n’ibindi bishobora kubagirira nabi babikozeho. Shyira kure ibinini,imishyo n’imihoro,ibibiriti,ntugacanire imbabura mu nzu ngo ukingeho cyangwa ngo wibagirwe kuyizimya, ntugacanire agatara hafi y’amarido,n’ibindi. Menya kandi ko Uburere buruta ubuvuke.

Amabanga Atatu y’Abashakanye

1. Gusengera hamwe

Iyo abashakanye ndetse n’abagize umuryango bagira igihe cyo gusengera hamwe, iyi ni imwe mu ntwaro zituma babana mumahoro ,kuko urukundo ruriyongera hagati yabo,bakabasha kumenya ibitagenda,ufite ikifuzo kigasengerwa hamwe,ndetse guhemukirana ntibiba bicyoroshye

Kuko imibanire y’umugabo n’umugore, abana babo ndetse n’abagize umuryango muri rusange iba iyobowe n’umwuka bityo rero ntibaba bagikoze Ibyakamere.

2. Kubabarirana

Gusaba imbabazi ni kimwe mu bintu bikomerera abantu yemwe n’abakristo biki gihe ntibiborohera dore ko bisaba guca bugufi,kwemera ikosa ndetse no gusaba imbabazi.

Iyo umwe mubashakanye akoshereje mugenzi we, birakwiye ko yafasha hasi ibyubahiro bye, agaca bugufi, agasaba imbabazi mugenzi we ,yewe niyo yaba atakoshereje uwo bashakanye gusa niyo yaba yakoshereje umwana cyangwa umwe mubagize umuryango wabo.

Iki rwose ni ikintu gikwiye kwitabwaho mu rwego rwo kugirango hatabaho gukomeretsanya cyangwa kuremererana mu miryango.

Iyo habayeho kubahiriza icyo kintu nta guhangana cyangwa se gusuzugurana kwaboneka muri uwo muryango

3. Gusaranganya

Gusangira cyangwa se kumvikana kubyo umuryango uhuriyeho byaba ibifatika cyangwa se ibidafatika, birakwiye kubagize umuryango

Aha twakwibanda cyane kukubwirana gahunda za buri muntu kubagize umuryango, ko ari kimwe mubibafasha kubana batikekana kandi bumvikanye.

Birababaje kubona umwe mubagize umuryango akora urugendo rurenze isaha imwe mugenzi we ntacyo abiziho.

Umutungo,imibereho yihariye, ibiganiro, akantu gashya kakubayeho niyo kaba ari gato ugize igihe cyo kubiganiraho n’uwo mubana byarushaho kubongerera urukundo, kwizerana, umunezero, ndetse umuryango wanyu ukarangwamo amahoro n’ituze

source- isange.com