Category Archives: Uncategorized

Manzi Irénée Ruhogo yakundanye n’umukobwa ujya kwa Satani kandi ashaka kumugira igitambo

Manzi Irénée Ruhogo ni umusore w’imyaka 23 y’amavuko, akaba yaratanze ubutumwa ahantu henshi  hatandukanye abinyujije no kuri ibyishimo.com ngo bubashe kugera ku banyarwanda benshi . Mu buhamya bwe avuga ko yakundanye n’umukobwa ukorana n’amashitani agashaka kumugira igitambo kwa Satani.

Muri ubu buhamya bwe avuga uburyo umukobwa yagiye amukurikirana, uburyo yakoreshwaga n’imyuka idasanzwe ndetse n’ibindi bitandukanye. Isomere nawe ubwo buhamya :

Ndangiza umwaka wa gatandatu twagiye mu ngando ariko nari mfite ingeso y’ubuhehesi no gukunda abakobwa cyane. Hari mugenzi wanjye witwa Uwayezu Pascal twiganaga kandi duturanye hano i Kigali, uwo musore twari nk’abavandimwe noneho twaje guhura ambwira ukuntu yakijijwe, ariko namufataga nk’umwesikoro  (escrot) wa mbere ubaho! Ni uko buracya mubyara wanjye aza kunsura tujyana muri SFB, icyo gihe nari mfite Laptop tujya gushaka Wireless muri SFB nyine, noneho mu gutaha duhura n’umukobwa mwiza bari baturanye i Nyagasambu. Icyo gihe mubyara wanjye yari arwaye, uwo mukobwa araza aradusuhuza maze ahita atahana mubyara wanjye ariko nkimubona n’ukuntu yasaga numvise mukunze cyane ariko bigeraho bimvamo.

Ngeze mu rugo nka sa tatu nimero irampamagara, nditaba maze umuntu arambwira ati: “Nitwa Lenivo Masengesho; umwe wajyanye na  mubyara wawe, none wazanshakiye inzu yo gukodesha aho i Gikondo hafi y’ishuri!”  Ni uko kuko uwo mukobwa yiga muri SFB, ndamubwira ngo ntaho nyizi hafi aho ariko nyibonye namubwira.

Naramubwiye ngo amazu nzi arahenze noneho arambwira ngo nkomeze mushakishirize, ndayishaka ndayibura noneho umunsi umwe ngeze mu rugo nsanga abapangayi babaga mu rugo bavuye mu nzu, ndamuhamagara ndabimubwira. Icyo gihe hari hashize icyumweru cyose twaratangiye gukundana naho undi mukobwa twari inshuti aho nigaga nari ndimo gushwana nawe.  Narebaga uwo Lenivo Masengesho ukuntu afite imisatsi igera mu mugongo kandi ari mwiza, afite mu nda heza n’amabuno, nkumva umubiri wanjye nasheshe urumeza, nari ndi mu rukundo ariko ninsobanukirwe n’ibiri kumbaho.

Ubwo umukobwa yaje kureba inzu yo mu rugo arayishima maze nanjye ku mutima nti mbonye amahirwe nzajya ninyabya mu nzu ye turyamane ariko ndi gutekereza ukuntu nzajya ninjiramo marume atambonye. Inzu rero umukobwa yarashimye noneho aza mu rugo ari kuwa mbere, kuwa kabiri mpura na ya nshuti yanjye Pascal nababwiye wari warakijijwe, tuganira ku rukundo rw’ Imana, mubwira ko nifuza gukizwa nkareka abakobwa bose ngakunda uwo wenyine.  Yanyemereye kumperekeza aho abantu bo mu rugo basengera (mu Isano i Gikondo kuri Sinai Church).

Ubwo wa mukobwa yaragarutse, aza mu rugo kwishyura inzu ahasanga Pascal n’abantu bose bo mu gipangu tugiye gusenga, icyo gihe hari kuwa gatatu. Ni uko marume abwira uwo mukobwa ati urishyura nibura amezi abiri, ariko yari yazanye ay’ukwezi kumwe. Ni uko turamubaza duti uraseng? Nawe ati yego, noneho ndamubwira nti niba koko usenga ngwino aho nanjye ngiye gusengera tujyane, arabyemera ariko njyewe bwari ubwa mbere kuva ntangiye amashuri yisumbuye nkanayarangiza nibwo nari ngiye gusenga mbishaka. Erega si kera, ni ejobundi mu kwezi kwa mbere k’uyu mwaka.

Ni uko turagenda ndetse umukobwa aratubwira ngo turarangizanya amateraniro, tugeze mu rusengero Pasiteri atera korasi wa mukobwa amufasha kuririmba, nanjye mu mutima nti naratomboye niboneye umukobwa uzi Imana. Ubwo ariko Pasiteri ahita avuga ngo aha mu rusengero harimo umuntu wazanye imyuka mibi, sinamenya ibyo aribyo. Akimara kubivuga umukobwa ahita acunga hasohotse abakobwa babiri, ahita asohoka nawe aragenda ntiyagaruka, pastier nabyo arabivuga ko uwo mukobwa wari uzanye imyuka mibi asohotse.

Ni uko pasiteri ati mu bakobwa basohotse hari umukobwa watumwe n’ikuzimu kujyana umuntu w’igitambo, njyewe numva ari abandi  uwo sinanamukeka. Ubwo wa mukobwa ninjoro yaje mu rugo aratuganiriza, tujya n’aho yabaga mbere tuhasanga abandi bakobwa baratuganiriza ariko ntibatubwira uko bimeze, turamuherekeza ataha kwa mukuru we Kacyiru. Ku munsi ukurikiyeho yaje mu rugo yiyogoshesheje, ambwira ko avuye guca mu cyuma kandi ko bamubaze, maze ndamubaza nti uri kubasha kugenda n’amaguru bakubaze ? Nawe ati njyewe nta kibazo, ndamwihorera nkabakaba inda hose mbura aho babaze, ubwo yahise ataha nyuma y’iminota nk’icumi agarukana na bakuru be batatu, baza bavuga ngo uwo mukobwa yasaze.

Ubwo ariko mbere yajyaga ambwira ati Irenee nukenera amafaranga, imyenda yo kwambara n’ibindi ujye umbwira nzagufasha, kandi nawe uzareke agakobwa k’I Nyamirambo k’agaslamu mukundana, nkibaza ukuntu yamenye uwo mwana twakundanaga mbere, ndetse ambwira amabanga yihariye yanjye, akambwira ngo ahantu asengera barabimubwira iyo ansengeye.

Ubwo umukobwa bamugejeje mu rugo ba nyirasenge batangira kutubwira ukuntu yasaze, mu rugo bahamagara aba pasiteri ngo baze bamusengere, maze mu gihe tubategereje dayimoni ze zitangira kumukubita kuko ngo yaje mu rusengero agasengera abantu ngo abashyire mu nyuka y’ikuzimu bikamunanira, noneho ngo zari zaramutegetse kutarya ari ukunywa gusa. Ubwo yaje mu rugo ngo amaze iminsi atarya noneho ba nyirasenge baramubwira bati ntiwatubwiye ko Irenee umukunda cyane? Nawe ati nzanamujyana aho dusengera (arik ubwo twari dutegereje abakozi b’ Imana) ba nyirasenge bati reka akwakire aguhe ibyo kurya nka cheri wawe, umukobwa ahita ambwira ati “Irenee banza umpe chainette na gromete wambaye (yashakaga akantu ako ariko kose yankuraho) abandi barambwira bati Irenee uramenye ahubwo bikuremo ubibike. Ubwo umukobwa ahita avuga ngo ibyo nambaye biri kumurya mu maso maze mbikuramo, mpita njya kugura amata na keke, ubwo ariko nkibihageza isengesho yasenze twese twagize ubwoba.

Ubwo yahise afata amata ati: “Aya si amata ahubwo ni amaraso ari hejuru y’amaraso ya Yesu atunge umubiri n’ubugingo”,  afata keke ati “Iyi si keke ahubwo ni umubiri uri hejuru y’uwa Yesu…” . Ubwo amaze gusengera ayo mafunguro ye, umukobwa yatangiye kujya abwira marume ngo wowe nagusengera Yesu ukurimo, dayimoni yanjye ikamugukuramo. Ubwo turatokesha, batangira gutera amakorasi noneho aravuga ngo aho imbaraga zacu zirangirira niho ize zitangirira. Ni uko ba bakozi b’Imana baba baraje dutangira gusenga, bamurambikaho ibiganza akavuza induru akarwana noneho aba abonye imbaraga, yakora ku muntu uwo akorazeho agahita aceceka, umukozi w’Imana wari uvuye i Kanombe aba arasenze cyane umukobwa atangira noneho kuvuga byanyabyo.

Ubwo ariko dusubiye haruguru gato, ya masengesho yavugaga asengera ibiryo twaratokeshaga maze yagarura ubwenge akatubwira ati: “Mumbwire nta kintu kibi mvuze?” Ubwo agasaba imbabazi. Ubwo rero batangiye kumusengera amaze gutuza nibwo yavuze umugambi we yari amfiteho njye n’undi mukobwa wo mu rugo.

Umugambi yari afite ngo ni uko yatumwe ku isi kuyobya abasore bakaba abasambanyi n’abasinzi, abakobwa akabaha imbaraga zo kwiyandarika kugirango abe umuntu ukomeye mu idini rye, ikindi kandi ngo yagombaga gutangaho umuntu igitambo kandi uwo atanzeho igitambo nawe akazakomera akayobya abandi n’ibindi byinshi yavugaga, ariko hashiraga umwana agasaba imbabazi akavuga ngo ntabwo azi ibintu n’ahantu ari ndetse n’ibyo arigukora.

Ubwo umukozi w’Imana aramubaza ati: “Izi mbaraga wazibonye ryari?” Bantu mukunda gusoma amabaruwa y’abandi mwumvireho, yaravuze ati: “Muri 2006 navuye ku ishuri ndwaye ngiye gusura tante i Nyagasambu mpura n’undi tante ampa urwandiko nzashyira mubyara wanjye twiganaga maze ndage ngeze mu nzira ngirango ni amafranga bamwoherereje, ndafungura ndareba mbona handitsemo, ngira amatsiko mpita ntangira gusoma. Nkimara gusoma ibyo natekereza byose byatangiye kuba kandi bikaba nk’uko mbyifuza”

Uwo tante we ngo umugabo we yarabuze, yavuze ko bajya bahurira aho basengera ariko ku isi ho ntabwo amubona kandi ngo ajya aboherereza amafaranga. Yakomeje avuga aho yakuye imbaraga z’ikuzimu n’ibindi byinshi cyane, anavuga ko hari gahunda yari afite cyane cyane ku rubyiruko maze ahita abwira wa mukozi w’Imana ngo erega nawe ndagushyira hasi.

Ubwo turatokesha mu izina rya Yesu maze ba tante be baravuga ngo ubu ni bwo agiye gukora. Yatangiriye kuri chorus twatangiye araziririmba maze akajya avuga ngo umuriro w’Imana ye wake utwike abantu bari aho babe imyuka mibi, ngo niwake utwike aho mu rugo, umu mama wo mu rugo aba abwiye ba tante ngo batahe ejo bazamuzane ku rusengero na pastor wacu ahari, ni uko baramujyana bageze SEGEM ku kibuga batega moto baragenda bajya Kimisagara, bageze Kimisagara baraduhamagara ngo wa mukobwa ntawagarutse mu rugo, turahakana babaza umumotari wari umutwaye aravuga ngo baje baganira kuri moto ahindukiye abura umuntu kandi atigeze ahagarara. Murabyumva ntabwo bigeze bamujyana ngo bamusengere, yasize abantu babaga mu gipangu atubitsemo ubwoba ariko hashize iminsi umu mama wo mu rugo yagiye gusenga hariya ku Irebero ku musozi bari bakihasengera, abakozi b’Imana baramubwira bati: “Mama Kenny, iwanyu Imana ibarinze umukobwa wihindura inzoka kandi uyu munsi waje gusenga yabateye ubwoba”.  Mu kugaruka umukobwa yaraje marume aramwakira ariko yanga ko yinjira mu nzu ahagarara hanze (abazansura nzahabereka) njye bari barambujije kwitaba nimero iyo ariyo yose ngo atazanjyana kandi byongeye ndi umwana umwe, mama yabaga afite impungege murabyumva!

Mama Kenny nimugoroba yavuye gusenga aza yapinze ibyo bamubwiye, aravuga ngo bamahanuriye ko Lenivo Masengesho yazanye inzoka mu rugo ngo irye umuntu abe igitambo, arabitubwira maze hashize akanya turamubwira ngo reka dusenge, yibuka ko bamubwiye ngo nagera mu rugo afate amazi ayasengere narangiza ayanyanyagize mu rugo hose, yahise asenga arabikora hahantu wa mukobwa yari ahagaze kuri sima,  ngiye kubona mbona inzoka nini kuri sima ifite ibara ry’umukara, bavuza induru maze nzana umuhini ngo nyice mbona inzoka ifite imbaraga yirukanka kuri sima!  Wari wabona inzoka yiruka kuri sima? Nirukanse nayo nkayirukankana najya kurigeraho ikangarukana…

Ubwo inzoka twarwanye nayo aho kuri sima ndayica, gusa hashize iminsi twajya duhura na wa mukobwa nkumva  umusatsi umvuyeho, nyuma sinongera kumubona.  Amakuru mfite ni uko n’ubu ngo ajya ahantu bakamusengera agakira akaba umuntu muzima ariko yasubira mu muryango we bikongera bikamufata kuko no mu muryango we harimo abandi basengana, ubundi ngo basengera mu idini ry’abo bita “Abarangi”.

Gusa icyo nababwira mujye mwitonda mwa basore mwe n’abakobwa kandi musenge! Hari abari kwibaza ngo “Ese ibi byabayeho cyangwa ari kutubeshya?”  Njyewe nsengera i Gikondo mu Isano muri Sinai church, uzabishaka azaze mu rugo babimwibwirire, gusa nari naratinye kubishyira ku karubanda ntarabatizwa, ubungubu nta bwoba mfite zo kubivuga kandi mfite n’ubundi buhamya bwinshi nzababwira Imana uko izagenda ibishaka, uwanshaka yampamagara kuri 0722223998 cyangwa 0783049049. Gusa dukwiriye gusengera hamwe tugasengera urubyiruko kuko nirwo cyane cyane satani ashaka gukoresha ngo azabone abayoboke bajyana mu muriro utazima. Kuva nakizwa hari byinshi  byahindutse kand uko nitwaraga ntibyari byiza. Ijambo ry’ Imana riravuga ngo “mwirukane umubi nawe azabahunga”, mureke tujye twirukana Satani azaduhunga. Imana ibarinde.

Advertisements

Ingaruka mbi z’amafilimi y’urukozasoni ku bagore

Bamwe mu bagore bakiri bato bafite abagabo bakunda kureba amafirimi y’urukozasoni) batangaza ko izi firimi zigira ingaruka ku mibanire yabo n’abo bashakanye aho usanga nta kizere bifitiye cyo kubaka urugo neza. Ibi bikaba ari ibyagargajwe n’ubushakashatsi bwakorewe muri Kaminuza ya Floride ho muri USA.

Urubuga rwa internet 7sur7 rwatangaje iyi nkuru ruvuga ko ngo iyo umugore afunguye mudasobwa y’umugabo we akabonamo filimi z’urukozasoni ngo aba nk’utaye umutwe akumva ari nk’aho umugabo we afite undi mugore adashobora guhangana nawe bitewe n’uko aba abona ibikorwa muri bene izi filimi we atabasha kubikora nk’uko byasobanuwe na Destin Stewart, umuhamga mu by’ubumenyamuntu.

Iri tsinda ry’abashakashatsi ryagaragaje akenshi ko ngo iyo umugore azi ko umugabo we akunda kureba filimi z’urukozasoni kunyurwa mu gihe akora imibonano mpuzabitsina bimugora kuko ngo aba yaritakarije ikizere mu bijyanye no gukora imibonano mpuzabitsina.

Gusa nk’uko aba bashakashatsi bakomeza babivuga ngo izi ngaruka zo kureba amafirimi y’urukozasoni ntizigera ku bashakanye bose. Gusa ngo icyaba cyiza ni uko mu gihe umwe mu bashakanye akunda kureba aya mafirimi mugenzi we akaba abizi, ngo ni byiza ko mubiganiraho mukareba ibyo mushobora kwigiramo ibidashoboka mukabyihorera bityo imibanire yanyu ikarushaho kuba myiza.

Inama

Filimi z’urukozasoni(nk’uko izina ubwaryo ribivuga) si izo kwigiraho uko imibonano mpuzabitsina ikorwa hagati y’abashakanye. Muri ziriya filimi nta shusho nyayo y’uburyo imibonano ikorwa hagati y’abakundana. Ni uburozi ku bantu . Abakinnyi bakina ziriya filimi baba banyweye imiti ibatera imbaraga cyangwa se bakabatera imiti ituma bamara igihe kirekire bakora imibonano mpuzabitsina. Nawe wabona igihe bamara bahuza ibitsina,ukiheba ukumva ko ntacyo ushoboye. Ikintu abantu benshi batazi ni uko iyo bajya gupfa bamererwa nabi. Barwara cancer munzira y’ikibuno ,cancer yo mu gitsina(Vaginal),indwara y’urutirigongo,…kandi bigera n’aho batakigira rutangira mu myanya ndangagitsina.

Ibyiza abashakanye bakwiriye kwigishanya uko imibiri yabo ikora n’uburyo umugabo/umugore wawe yagufasha kwishimira imibonano mpuzabitsina kuruta kujya guhabwa uburozi bwo muri ziriya filimi. Ubushakashatsi bwerekanye ko kureba filimi z’urukozasoni byangiza ubwonko. Ubwonko bwangirika kuri 40%, kukwakira cyangwa kurekura amakuru.

Umugore ureba izi filimi ntakindi zizamumarira uretse kwisuugura mu gihe cy’akabariro bikaba byanamuviramo inges yo kwikinisha kuko aba yumva ntacyo amaze.

Ese wowe hari ubuhamya watanga z’ibyo izi filimi zakwangirije mu mubano wawe n’uwo mwashakanye?

amategeko 20 agenga umugabo imbere y’umugore we

amategeko 20 agenga umugabo imbere y’umugore we

1.Icyo umugore agusabye cyose ntukakimwemerere cg ngo ukimuhe niyo waba ubishoboye.

2.Icyo umugore akubajije cyose ujye ukora nkaho utabyumvise.

3.Si byiza ko iteka ubwiza umugore ukuri.

4.Ntukamenyereze umugore gutaha kare.

5.Kirazira kubwira umugore aho uvuye cg ugiye.

6.Uzirinde gufata ibyemezo utegetswe n’umugore wawe utabanje kubitekerezaho igihe kirekire(1000 reflexions).

7.Uzirinde gukinisha umugore wawe cyane kugirango atazagusuzugura.

8.Nta cyaha kirenze kudakubita umugore wawe igihe cyose yagukoshereje gusa uzirinde kumuvuna igufa.

9.Umugore ntagomba kujya mu rugendo ngo amare iminsi kuko ntawamwiringira igihe cyose kuko aba yajyanye ubugore bwe.

10.Kirazira kubwira umugore wawe amafaranga wanywereye.

11.Kirazira gutwaza umugore wawe niyo yaba toni mureke ayikorere bityo azamenya icyubahiro waremanywe.

12.Nta mugabo ugira ikosa imbere y’umugore we.

13.Ibintu byose by’urugo niby’umugabo ahereye kungutiya y’umugore we kugeza ku mbeba iri mu rubariro.

14.inzinga kirago ningombwa ku mugore kuko bituma yirirwa neza.

15.umugore ni nkumwana aho kujya ugabanya rasiyo mumenyereze macye adahinduka.

16.ntugomba guhoberana n’umugore niyo waba uvuye mu rugendo rwa kure.

17.kirazira guha umugore umubare w’amafaranga akwatse kuko iteka aba yagusabye menshi

18.isaha umugore akwibukirijeho gusezera aho mwagiye ujye wongeraho imwe cg abiri mbere yo guhaguruka.

19.umugore ntakagutange mu buriri cg ngo abugusigemo.

20.Kirazira kubwira umugore umubare w’amafaranga ukorera

Ngayo Nguko Mugabo Amategeko yawe agombe Yubahirizwe Ejo Utazasuzugurwa ngo inkoramutima ntiyakubwiye

Agahinda kagiye kunturitsa umutima :”Nabuze urubyaro,umugabo wanjye asigaye anca inyuma yifashishije whatsapp

Muraho neza, Amahoro y’Imana abe muri mwe. Mbanje gushimira uru rubuga ndetse n’abasomyi barwo ko badahwema kubaka imitima imwe yihebye igasubirana ibyiringiro ni muri urwo rwego nanjye nifuje kubagezaho ikibazo mfite ngo mungire inama kuko umutwe umwe ngo wifasha gusara gusa kandi ndabiginze mumfashe.
Ndabasaba inama ku kibazo ngiye kubavira imuzi

Ndi umugore ,ndubatse mfite umugabo tumaranye imyaka ibibiri. Twabanye mukunda cyane kandi nanubu ndamukunda ariko muriyo myaka ibiri nta mahirwe twagize yo kubona umwana kandi turacyamutegereje twihanganye.

Ikibazo rero mfite , hashize iminsi mbona umugabo wanjye yarahindutse bikabije . Ubundi mu busanzwe twari dukundanye cyane, dukumburanye mbese hari umubano ugaragara hagati yanjye nawe ariko muri y’iminsi ibintu byarahindutse. Ndamuhamagara ngo mubaze uko ameze mu kazi akabwira ngo ni busy(arahuze) araza kumpamagara ariko ntibibeho.

Nkongera nkohereza ubutumwa bugufi (sms ) ntayisubize ariko numva ko ari akazi nyine sinabitekerezaho cyane . Yananyitaba akabwira ngo nkupira nitabe umuntu ndaguhamagara nkaheba.

Byaje gukomera aho yaguriye telefoni igezweho (smart phone ). Kuva icyo gihe ahora ahuze cyane . Yaba atashye umwanya munini akawumara kuri chat za whatsapp . Umunsi umwe nza kugira amatsiko yo kumenya abo baba ba chatinga ( bagananira binyuze mu butumwa bugufi bohererezanya ) nsanga n’umukobwa bakorana muri company ( Ikigo ) imwe mbanza kubigenza gake .

Nyuma nza kubona message(ubutumwa) bandikiranye kuri chats umukobwa amushimira ngo” uri umuntu mwiza ngo nariye nanyweye nishimye” nabwo ndatuza. Ndavuga nti buriya ni ifunguro rya saa sita basangiye.Ibiganiro ( chats ) zarakomeje noneho nza gusanga aho umugabo wanjye yamubwiye ngo “uteye ubusambo” n’ibindi byinshi.

Umukobwa nawe ati ” Sha uziko koko unkunda !” Ejo rero nibwo nabonye gaheza ,umukobwa yaramwandikiye ngo” bite ko wabuze?nkeneye amakuru yawe kandi ndagukumbuye” arongera ati sha buriya narishimye” . Twari twicaye turi kureba umupira . Yari yansabye kumuherekeza kureba umupira kandi telefoni ye ninjye nari nyifite nuko nanjye nsubiza uwo mukobwa nti washimishijwe niki? Umugabo wanjye ahita abona ndi kuri chat ahita ayinyaka arakaye cyane , ndayimuha . Nyuma nongera kurebaho nsanga umukobwa yanshubije ati “nzakubwira turi kumwe” umugabo wanjye nawe aramusubiza ngo “sawa”

Nahise numva mbabaye cyane cyakoze ndihangana umupira urarangira turataha nagerageje guhisha amarangamutima yanjye kuko twari twajyanye na muramukazi wanjye. Tugeze mu rugo turi mu cyumba, nibwo nabimubajije ararakara cyane ngo mfata ibintu byo gutebya ( blagues )nkabiremereza ngo kandi kwirakaza no kwivumbura byanjye ngo ntibyamubuza kunca inyuma yabishatse .

Numva ngize umujinya n’uburakari bwinshi numva ko andambiwe ko ntarabyara mu gihe tumaranye, numva nta gaciro mfite mbese nanjye numva ndiyanze cyane.

Ariko kandi twabanye afite umwana yabyaye hanze. Twabanye mbizi kandi numvaga ntakibazo . Agakunda kuvugana nuwo babyaranye cyane kandi umwanya munini ariko numvaga ntacyo bintwaye kuko bagomba kuvugana ariko nkibaza umwanya bavugana nabyo bikanyobera.

Ikindi kandi ntamakuru yuwo mwana menya arampisha cyane kubijyanye nuwo mwana ntabashaka ko hari nicyo twavugana kuriyo ngingo. Ahubwo akanyumvisha ko mucyeka ngo kandi kumucyeka kwanjye ntibyamukura aho yagiye mbese akoresha imvugo yo kunyihebesha gusa.

Ubwo twaraye dutoganye cyane kuburyo bugaragara pe tubwirana amagambo atari meza cyakoze bucyeye namwandikiye musaba imbabazi kandi nisegura ku magambo mabi namubwiye . Kuva ubwo ntacyo yabivuzeho none amarira arenda kunyica aho mba ndi njyenyine nciduka amarira yamanutse.

Ubu sinkibasha gusura abantu kuko bambaza amakuru yanjye amarira akazenga mu maso iwacu ho barumiwe meze nkaho nabibagiwe atari uko mbanze ahubwo arukugirango batabona agahinda mu maso yanjye ,bagashavura .

None Papa wanjye yanyoherereje ubutumwa bugufi ambwira ko yifuza ko tuganira ngo ninshake umwanya musange kukazi tuganire ngo akeneye amakuru yanjye . None ndumva izo mbaraga ntazazibona zo kuganira na Papa kuko byonyine no gusubiza ubutumwa bwe byananiye ndarira.

None basomyi kandi nshuti ndabiginze ngo mubwire icyo nakora kuko nanijwe n’ubuzima bwanjye bwite .Kuba ntarabyara nuko mfite uburwayi kandi bukomeye, nkongeraho uwo mukobwa wiyongereye kuwo babyaranye ,hakiyongeraho ko umugabo atari kunyumva muri iyi iminsi none ndumva nta byiringiro mfite namba.

Ngerageza kujya gusenga Imana nagera munzu y’Imana amarira akambana menshi n’ijambo ry”Imana siryumve ubu nafashe icyemezo cyo kudasubira mu rusengero kuko abantu banyibazaho cyane. Ndihebye kandi mfite agahinda ndabinginze ngo mumbwire”Ese nkore iki? ngo urugo rwanjye rube uko narwifuje?