Author Archives: bangambiki

MBIGENZE NTE:UMUTURANYI WANJYE YANTWAYE UMUTIMA

by http://urukundo.info
Mubuzima umuntu agira ibintu yumva yabona k’umukunzi we bimushimisha,ariko iyo ugize ibyago usanga uwo wahisemo atabyujuje byose cg se ugasanga we ntagaciro kanini abiha. Mubusazwe nkunda umugabo ukunda abana,wita kuri gahunda z’urugo ariko biragoye kumubona kuko ntiwabimusomaho,niyo wamubaza,ashobora kubyemera ariko ukazansanga yarakubeshye.
Icyo nicyo kibazo naje kugira kuko umugabo naje gushaka usanga rwose ibyabana nta gahunda zisanzwe z’ urugo ntacyo biba bimubwiye.

Byaratinze rero tuza kugira abaturanyi! umugabo agakunda umugore mu buryo butangaje, akamwitaho,akamenya abana,uko bagiye ku ishuri n’ ibindi byo murugo akabikurikirana,n’ imico ye isanzwe usanga agerageza guca bugufi no kumvikana.

 Ibyo bintu byankoze k’umutima bituma numva nkunze cyane uwo mugabo bidasanzwe ariko nabuze icyo nakora kubyibuza byaranze kuko mubona buri munsi umutima wanjye urushaho kumwiyumvamo uko bwije n’ uko bukeye, ndahangayitse cyane ku bwurwo rukundo rudashoboka. Ese nakora iki ngo mve muri icyo kibazo?

Advertisements

Dore umuntu ugukunda uwo ari we

-Umuntu ugukunda si umwe utakubabaza, ahubwo ni umwe umara kukubabaza akicuza akakwegera akanaguhoza
-Umuntu ugukunda si utagukosereza, ahubwo ni ugukosereza agahindukira akagutakambira akagusaba imbabazi
-Umuntu ugukunda si uguha ibyo umukeneyeho byose ahubwo ni ukumenyera bicye by’ingenzi ukeneye kurusha ibindi.

MUNGIRE INAMA:MFITE IMYAKA 38 KANDI SINDARYAMANA N’UMUKOBWA (UMUGORE).

by http://urukundo.info

Nitwa Bd , ndi  umuhungu w’imyaka mirongo itatu n’umunani, ntuye mu karere ka Muhanga ho mu majyepfo y’u Rwanda, kuva nkivuka kugeza aya magingo ndacyaba mu rugo rw’ababyeyi banjye  aho mbana na mama kuko papa umbyara yitabye Imana mu mwaka w’1991 azize indwara ya sida.

Mu buzima busanzwe nkora akazi k’ubushoferi  aho ntwara imodoka za rukururana ziva i Nairobi muri Kenya  zerekeza mu Rwanda, hakunzwe kuvugwa ko abasore ndetse n’abagabo dukora akazi kamwe barangwa no kwishora mu ngeso z’ubusambanyi biterwa ahanini nuko iyo tugeze mu bindi bihugu tuhasanga abakobwa n’abagore badahuje imyitwarire n’abanyarwandakazi bacu , twababona tukifuza no kuryamana nabo.

Narifashe kugeza iyi saha nta numwe turaryamana, abo dukorana banyita ikigwari , si uburwayi mfite ahubwo ni isoni, ubwoba no kwiyubaha mba mfite. Numva ko umunsi wa mbere nzaryamana n’umukobwa bizaba ari ikintu kidasanzwe kuko nteganya kuzazimya amatara ubundi nkacana radio nkamariramo kugirango  bidasakuza, kuzazimya amatara byo nukugirango uwo tuzakorana imibonano mpuzabitsina atazandeba nkagira isoni.

Iyo mbonye umusore asoma inkumi birancanga nkibaza aho yabihereye bikanyobera. Njye mu buzima sindakundana n’umukobwa habe no kumwegera keretse wenda mu modoka zitwara abagenzi za twegerane. Mu myaka yashize nigeze kujya gusura umuhungu w’inshuti yanjye utuye i Kigali marayo iminsi. Umunsi umwe ari nijoro nari ndyamye ariko we yibereye mu baturanyi aho hafi, tutakinze umuryango, nuko nkangurwa n’umukobwa arimo ansomagura yanyibeshyeho mvuza induru nawe arayivuza abaturanyi barahurura. Ariko ubu hari ihe mvuga ngo iyo mwihorera nkareba amaherezo.

Mama iyo arebye ikigero ngezemo atarabona inkumi ije kunsura ngo nyinjize mu cyumba biramubabaza cyane , rimwe na rimwe ajya anabwira incuti n’abaturanyi ko yarumbije nta musore afite, ejo bundi aherutse kunganiriza ambwira ngo nzagure indaya ariko ntibyari ingeso mbi aba anyigisha ahubwo kwari ukugirango amfungure amaso mbone ko nakabije.

Nanjye hari igihe mbitekerezaho nkireba nkareba n’abandi b’urungano rwanjye, nkumva birandenze nkumva ko hari icyo nkwiye gukora, ubwo nkambara neza cyane nkitera n’imibavu nkajya mu muhanda ngo ndebeko hari umukobwa wankebuka nkaheba.

AMAGAMBO ATATU UGOMBA KWIRINDA KUBWIRA UMUKUNZI.

Umukunzi wawe nubwo mwaba
mumenyeranye cyane, ukunda
kumubwira ibyo ushatse byose, hari
amagambo atatu y’ingenzi ugomba
kwirinda kumubwira.

1. Ijambo rya mbere uzirinda kubwira
umukunzi ni Ndakwanze: Nubwo waba
wikinira ntugomba kubwira umukunzi
ko umwanze kuko ashobora kubifata
nk’ukuri.
2. Byose bizashira: Iyo umukunzi wawe
yishimye ukamubwira ngo byose
bizashira bimutera kubabara agahinda
kakamwica, iyo yababaye ukamubwira
ngo byose bizashira agira ibyishimo
akumva ko imibabaro izashira ariko
akanagira agahinda kuko urukundo
rwanyu ruzashira. Iri ni ijambo ubwira
umuntu yishimye rikamubabaza
warimubwira ababaye rikamushimisha.
Ugomba kuryirinda.
3. Nta kidashoboka:Iri ni ijambo
ryuzuye gucyurirana gukabije kandi ni
ijambo ry’urucantege. Mbese uba
ushatse kumvikanisha ko urukundo
rwanyu ntacyo rushingiyeho gikomeye
cyarubuza kudashira.

Hagati yanjye nawe harimo ikinyuranyo kimyaka 13, hari ikibazo cyazagaragara murukundo rwacu?

by http://urukundo.info
Mbanje kubasuhuza mugire amahoro, maze igihe nsura urubuga rwanyu ndetse nishimira ibintu byinshi mutugezaho bitandukanye, cyane cyane amakuru yo hanze y’igihugu. ibi bikaba bituma nabasaba ko mwajya mutugezaho n’amakuru menshi yo mu Rwanda kuko nayo aba akenewe.

Muby’ukuri, nyuma yo gusura urubuga rwanyu, nkasura inkuru ijyanye n’ikinyuranyo kimyaka kubakundana yasohotse mugihe gishize, nanjye nifuje ko abasomyi bururu rubuga rwa menyanibi bangira inama kubyerekeye urukundo rwanjye hamwe n’uwo numva duteganya kuzarushinga mugihe kri imbere biramutse bibaye byiza.

Ndi umusore w’imyaka 28 y’amavuko, iwacu ni mukarere ka Muhanga. ndangije kaminuza mu ishami ry’icungamutungo nkaba maze n’amezi agera kumunani nangiye akazi. nakundanye n’umubwa kuva agifite imyaka 11 y’amavuko, kugez’ubu aho afite imyaka 15. twagiranye ibihe byiza kuko ubusanzwe twarareranywe cyane kuburyo tuziranye bihagije, nkaba mbona ariwe ugomba kuzambera umufasha mugihe kiri imbere arangije amashuri ye yisumbuye.

Nkuko nabibabwiye haruguru, ndakuze nkuko imyaka yanjye ibigaragaza kandi nkaba ndangije amashuri ya kaminuza, ariko umukobwa dukundana ageze mu mwaka wa mbere w’amashuri yisumbuye. inshuti zanjye zikaba zikomeza kunsha intege zimbwira ko akiri umwana muto kuburyo ikinyuranyo cy’imyaka 13 murusha ari myinshi. inshuti zanjye ziri kunshishikariza gushaka undi mukobwa ukuze, turi murungano rumwe.

Ese mubyukuri, nemere ndeke gutegereza igihe azarangiriza ishuri, nshake undi turi murungano rumwe? ese ko mukunda cyane nzabasha kumwiyibagiza. mungire inama …

Uburyo 6 bwo gusomana neza utatari uzi

by http://urukundo.info

Uburyo 6 bwo gusomana neza utatari uzi

Amakuru dukesha urubuga rwa ercleme avuga ko gusomana ari ibintu bidasanzwe umuntu ashobora gufata uko yiboneye,ariko ikibabaje nuko usanga abantu benshi barabigize umukino nk’iyindi.Uretse ko buri umwe wese atari mwiza mu binjyanye no gusomana,hakabaho n’abandi bantu bazi ko gusomana ari uguhuza iminwa gusa,wapi !,ahubwo gusomana biva mu bitekerezo byawe,kuko niba ukundana n’umuntu kandi mutaryaryana njye mbona nta mpamvu yakabayeho yo kudasomana mu gihe umwe abishaka,kandi bigakorwa nta guhubuka bijemo.
Niba wumva koko ushaka kugira ubumenyi buhanitse mu bijyanye no gusomana,hano hari uburyo 6 naguhitiyemo bwo gusomana,Ariko ni hagati y’abakundana “igitsina gabo n’Igitsina gore”.

1.Somana amaso yawe afunze “uhumirije” :

Gusomana uhumirije ni kimwe mu bintu byiza bituma uryoherwa uri gusomana,kuko icyo gihe uba uri gusomana bikurimo atari ibyo uri kwihingamo.Tekereza nk’ubu uri gusomana n’umuntu amaso yawe afunguye na yiwe afunguye,mbega ibintu bitaba ari byiza namba,kuko ico gihe biba byerekana ko muri kwikizanya.Wowe uzagerageze nunjya gusomana n’umuntu ufungure amaso yawe maze musomane nk’igihe kigera ku masegonda agera ku 120,Maze uzongere ufunge amaso maze umusome amasegonda agera kuri 80 uzumva itandukaniro.

2.Wikwita ku minwa gusa :

Abantu benshi baziko gusomana ari ku minwa gusa,Burya niba utari ubizi gusoma umuntu ku bice bimwe na bimwe biri ku mubili cyane cyane nko ku ijosi,akananwa,amazuru,bituma umuntu arushaho kuryoherwa nicyo gikorwa muri gukora cyo gusomana,wowe n’usomana n’umuntu wikwita ku gice kimwe gusa.

3.Musome Witonze :

Gusomana si urugamba uba uriho,kandi n’iminwa iba yoroshye,Bityo niba uri gusomana n’umuntu w’ibishyiramo ingufu kuko bishobora no kubabaza uwo muri gusomana aho kumuryohera,wowe wimukubaho umunwa cyane ugomba kubyoroshya.

4.Umunwa wo hasi ba ariwo wibandaho cyane :

Umunwa wo hasi niwo munwa ushobora kwibandaho cyane mu gihe uri gusomana n’umuntu kuko niho hashobora gutuma agira ibyiyumviro birenze,gusa ugomba kubikora nawe wumva ko wirekuye koko.

5.Menya uburyo ugomba gutwara uwo muri gusomana :

Ubundi gusomana ntabwo ari ibintu utekereza gutya uri kumwe n’umukunzi wawe ugahita ubikora,ahubwo niba bigenze gutyo banza nawe umushire muri ibyo bihe ubundi mwese mubikore bibarimo,kandi wirinde kwirukanka,mutware buhoro buhoro ari nako mu gihe muri gusomana mugenda muhindura mukurikije uruhande amazuru yararimo.

6.Ururimi :

Ururimi ni intwaro ikomeye yo gusomana.Niba uri gusomana n’umuntu gerageza gukoresha n’ururimi,icyo gihe uzaba uri gutuma agira ibyiyumviro bindi,koresha ururimi mu bindi bice byo mu kanwa ndetse no ku gutwi.Ugutwi ni kimwe mu bintu bishobora guhindurira umuntu ibyiyumviro mu buryo bugaragara,Kandi nukoresha ururimi bizaha ibyishimo birenze umukunzi wawe.

Amarenga y’Abakobwa: Menya icyo umukobwa ashaka kukubwira ugendeye ku mihindukire y’umubire we

by http://urukundo.info
Amarenga y'Abakobwa: Menya icyo umukobwa ashaka kukubwira ugendeye ku mihindukire y'umubire weTurabimenyereye ko umukobwa avuga oya kandi yemeye, ubundi akavuga yego kandi yahakanye. Abasore rero ntibajya basobanukirwa imvugo y’abakobwa ahubwo ugasanga bayifata nk’uburyarya kandi atariko biri. Kamere y’abakobwa ituma hari ibyemezo bafata ariko bakagira ubwoba bwo kubishyira kumugaragaro, akaba arinayo mpamvu baba bakeneye umusore kugira ngo abibafashemo. Biragoye kugira ngo usobanukirwe imvugo y’umukobwa mu magambo, ariko hari uburyo bwo gusobanukirwa ibyo umukobwa avuga ureba amarenga akoresheje abivuga. Umubiri w’umukobwa niwo ugaragaza ibyo ashaka, kurenza uko imvugo ye ibigaragaza. Dore amwe mu marenga umubiri w’umukobwa ukora n’icyo biba bisobanuye.

1-Iyo ubajije umukobwa ikintu agaceceka aba yemeye. Guceceka bisobanura yego. Iyo umubajije uti ese niwowe wabwiye runaka ko dukundana? Iyo acecetse aba ariwe wabimubwiye. Kandi nanone iyo umubajije agaseka cyangwa akamwenyura nabwo aba yemeye.

2-Iyo umukobwa yipfumbase akanga kukureba mumaso ujye umenya ko atagushaka. Umukobwa ashobora kuba adashaka kuvugana nawe ariko akabura aho ahera abikubwira. Nubona umukobwa yifashe gutya kandi akareba hirya uzahite ukuramo akawe karenge.

3-Iyo umukobwa ari kugukoraho buri kanya aba ashakako mumenyana kurushaho. Umukobwa uba ugufata intoki, cyangwa akakwikoreshwaho, akakwikubitisha udushyi aba ashaka ko mumenyana birushije ibisanzwe. Uwo mukobwa kandi uzasanga akwigana waseka nawe akisetsa.

4-Iyo umukobwa ahumbaguzwa, akarya intoki, akikora mu misatsi, agakebaguzwa aba yagutinye. Umukobwa uzabonaho ibi bimenyetso aba yakugizeho ikibazo ko ushobora kumugirira nabi kuburyo biba bisaba ko ukora ibishoboka ko kugira ngo ye kugutinya. Gusa nanone hari igihe abikora bitewe n’abo muri kumwe aribo yatinye bakamutera ikibazo bigatuma atisanzura.

GUTANGA AVANCE: ICYOREZO KIGIYE KUMARA ABAKOBWA B’AMASUGI

by http://urukundo.info
GUTANGA AVANCE: ICYOREZO KIGIYE KUMARA ABAKOBWA B’AMASUGI
Kuri iki gihe mu Rwanda hadutse icyorezo kikaba kirimo gushinga imizi mu gihugu hose, icyo cyorezo nta kindi ni avance y’abakobwa b’amasugi. Avance ni iki ? avance ni ikimenyetso umukobwa w’isugi yemera gukorana imibonano mpuzabitsina n’umuhungu bazarushingana kugirango amwereke ko amukunda byukuri nta buryarya, bikaba bibafasha kumenya niba bombi babyara kandi bikabafasha kumenya niba umwe azashobora gushimisha undi mu gihe bazaba barabanye.

Gutanga avance bituma igihe cya fiançaille(mu gihe cyo kurambagizanya),cyangwa cyo kumenyana neza kiba gito, umukobwa akisanga atwite bagahita bakora ubukwe bafite parapara. Iki cyorezo kigiye kumara abakobwa b’amasugi kuko umukobwa ukimenyana n’umuhungu nawe asigaye atanga avance ,ikibabaje nuko iyo umuhungu amuteye inda ahita amwihakana,iki cyorezo kiragayitse mu muco nyarwanda.

Ingo z’iki gihe ntizikimara kabiri kuberako nta musingi w’urukundo no kumenyana ziba zifite, kuko gukora imibonano mpuzabitsina ntago ariko kumenyana neza. Ese ushobora kwereka umukunzi wawe ko umukunda mutagombye gukorana  imibonano mpuzabitsina ? niba bishoboka wabigenza ute ?

Hari igihe abakunzi bakorana imibonano mpuzabitsina kugirango umwe yereke undi ko amukunda bikarangira umwe cyangwa bose babihiwe kuberako umwe atamenyereye umubiri w’uwundi  bikaba byatuma ubucuti bwabo burangirira aho.

 Dore uburyo wamugaragariza ko umukunda mutagombye gukora imibonano mpuzabitsina : gusomana ku minwa,kumubwira utugambo twiza,kumutera imitoma,kumuhobera cyane,gufatana ikiganza mu kindi,gukoranaho,kumutumira mu rwiyuhagiriro (piscine).

Kumuha impano y’urukundo atazibagirwa no kumutembereza.

NAKUNZE INDAYA NONE YAMBEREYE UMUGORE W’UMUTIMA

Ubwa mbere nkimubona namusanze ku muhanda ategereje umugabo ufite gahunda, ambeshya ko yitwa Solange. Nanjye nashakaga umuntu wankemurira akabazo gato nari nifitiye, twemeranya amafaranga anjyana iwe. Yari umukobwa mwiza w’uburanga, nubwo twaryamanye buraya, ariko yanyeretse umutima mwiza, anyakira neza nifuza kugaruka.

 Bitewe nuko nakoraga akazi katampa umwanya wo kuba nashaka umukunzi, niyo mpamvu iyo numvaga kwifata byankomereye nanjyaga mu ndaya kuko nubundi nabonaga akanya nijoro honyine. Kujya mu ndaya ntibyari ingeso yanjye cyane kuko najyagayo rimwe mu mezi atatu.
Ariko aho namenyaniye na Solange nanjyaga iwe rimwe mu byumweru bibiri kuko numvaga mwiyumvamo. Bitewe n’uburyo yanyakiraga neza, natangiye kumva mukunze ntagira no kujya muganiriza kubuzima bwe. Nakomeje kujya njya kumusura iyo najyaga iwe nkasanga ari kumwe n’undi mugabo, nahagararaga ku irembo nkategereza, barangizanya akampa karibu kuburyo ntawundi mukobwa nongeye kuryamana nawe keretse we. Byagezaho ambwiza ukuri ko yitwa Cecile, hagati yanjye nawe hatangira kuzamo urukundo atangira no kujya yanga ko mwishyura, nanjye aho kumwishyura nkamuzanira impano.

Uburyo twaryamanagamo bwarahindutse dutangira kujya tubikora bitari buraya ahubwo tukaryamana nk’abakunzi, bikaba birimo urukundo rwinshi. Cecile yaje gufata icyemezo cyo kureka uburaya kandi yabikoze ntabimusabye niwe ubwe wibwirije, arimuka ajya gutura mu kandi karere.

Icyo gihe twahise dutangira ubuzima bushya bw’urukundo turakundana cyane nyuma twiyemeza kurushinga ubu tumaranye imyaka itanu, tubyaranye abana babiri kandi tubanye neza ntakibazo yambereye umugore w’umutima kuburyo ntategerezaga

Kigali: Ibyo benshi babona mu rukundo bibatera gushidikanya ko rubaho

by http://urukundo.info
Kigali: Ibyo benshi babona mu rukundo bibatera gushidikanya ko rubahoImpaka z’urukundo ku rubyiruko rwo mu Mujyi wa Kigali ntizirangira bitewe n’ibigenda bigaragara ku bitwa ko bakundana. Hari abahemukirwa, abajya mu rukundo kuko bifuza imibonano mpuzabitsina abandi bagakurikira amafaranga cyangwa imiterere y’inyuma urukundo rukagurumana igihe gito ubundi rugahita ruzima.

Ku rundi ruhande hari abashimangira ko urukundo rubaho bitewe n’urwo bahawe ubwabo cyangwa se urwo babona ku nshuti zabo zihora mu munezero ziterwa na rwo.

Bivugwa ko bigoye kurambana iyo umwe mu bakundana afite icyo akurikira. Ubwo umunyamakuru wa IGIHE yagendaga muri bisi (bus) ajya ku kazi yumvaga ikiganiro kivuga ku nkuru y’urukundo kuri radiyo, gihita gikurura impaka mu bagenzi bari kumwe na we, bamwe bemeza ko urukundo rubaho, abandi bavuga ko nta rubaho ndetse bagatanga n’impamvu zabo.

Abavuga ko nta rukundo rubaho bashingira kuki?

Umusore ubona ari mu kigero cy’imyaka 30, yagize ati “Nta rukundo rubaho kuko ntabwo wansobanurira ukuntu abantu babana imyaka mirongo ingahe babwirana ko bakundana hanyuma ukabona baratandukanye buri wese ashatse undi babana.”

Mugenzi nawe yunzemo ati “Nta rubaho rwose kuko n’ikimenyimenyi iyo udafite ibintu runaka bituma ukundwa ntiwabona umukobwa ‘ukwiteza’. Njye nagiye mpura n’abambwira ko bankunda kuko nabaga nabiyeretse ariko nyuma bamenya uwo ndiwe bakagenda.”

Yakomeje agira ati “Abavuga iby’uko urukundo rubaho n’ababyigisha bose biba ari ku nyungu zabo. Abanyamadini barwigisha kugira ngo babone ibyo bigisha abayoboke babo, abasore turuvuga kugira ngo twibonere imibonano mpuzabitsina, abakobwa nabo baruvuga ngo bibonere amaramuko…”

Undi mugenzi na we yagize ati “Ni ibintu umuntu aba yishyizemo gusa, ubuse ugira ngo nishyizemo ko ndwaye nkakomeza kubitekereza, n’umuriro ntiwaza n’indwara bakayimbonamo?”

Byifashe bite ku bavuga ko rubaho?

Umugabo usa n’ukuze, niwe wari umuvugizi w’uruhande rwemeza ko urukundo rubaho yagize ati “Urukundo rubaho, gusa kuba rubaho ntibikuraho ko rugira igihe rugashira. Ubundi baravuga ngo ‘tous ce qui a un debut, a aussi une fin’ (igifite intangiriro cyose, kigira n’iherezo). »
IUndi musore nawe wemeza ko urukundo rubaho, yunzemo ati « Nkurikije ubunararibonye bwanjye, urukundo rubaho kuko ndarufite. Gusa sinaburana n’abantu kuko biterwa n’imyumvire ya buri wese n’uko ateye, n’intumbero y’ubuzima bwe.»

Yasobanye uko abona afite urukundo agira ati«Ubusanzwe ndi umunyamahane, ariko iyo bigeze ku muntu nkunda aya mahane yanjye sinzi aho ajya. Kuri we mba ndi umunyantege nke wa mbere ubaho. Ikindi ni ibyo mukorera binsaba kumwitangira (sacrifice) ntawundi muntu mbasha kubikorera, umwanya mutekerezaho nawo ni ikindi kibinyemeza. Urukundo ndarufite kuko si ibintu biba rimwe ngo ejo numve byagiye ahubwo bimporamo.”

Gushidikanya ku rukundo biri ku Isi hose. Umusizi w’Umufaransa, Pierre Reverdy, niwe wavuze ngo nta rukundo rubaho ahubwo habaho gusa ibimenyetso by’urukundo (Il n’y a pas d’amour, il n’y a que des preuves d’amour). Ibi bituma bamwe mu bagiye bahungabanywa n’abo bitaga abakunzi babo bavuga ko uyu mugabo wo mu myaka yo hambere yavuze ukuri.

Igihe.com